Overblog Suivre ce blog
Editer l'article Administration Créer mon blog

Folies artistiques


خبز و ماء و الديمقراطية لا

Publié par Sonia sur 12 Avril 2011, 22:47pm

Catégories : #ثورستان

 


في بلاد ثورستان فمّا قرية اسمها ديموكراسي 

 

في هاك القرية  عاملين مسابقة متاع تفشليم , الّي يفشلم اكثر ياخو ثــــــروة و يبــــــرك عليها وحدو

 

الفشلامة الكلّ تلّمت و كلّ واحد يزيد القمح يزيد الدقيق :    حزب البعث و  حزب البصّ و حزب الدرجيحة و  حزب الخنفوسة و  حزب السطل الازرق و  حزب العنقود

 

الاصفر المستمرّ

 

 

602427601_small.jpg 

 


حاصيلو قرابة اش و خمسين فشلام الكلّها تشبه لبعضها تسمع حكاية تنسى لخرى ... و على ما تسمع حكايات و خرافات معادش تنّجم تفرّق بين حزب الكانون الملتهب و بين حزب الطنجرة المتجدّدة

 

لين رصّات في الّخر ما بين زوز اكبر فشلامة : فشلام النهضة و فشلام العمّال الشيوعي

 

Souris-cendrillon-10.JPG 

 


سي النهضوي قال:

 

تعرفوش علاش اسمى نهضة ؟؟  انا مرّة راقد, جاني جبريل عليه الصلاة و السلام في منامي

 

: و قلّي 

انهــــــــــض . شـــــدّ الحكم في تونس -

 

قتلو : انا منفي  يا رسول الّله !!!  فكيف لي ان احكم تونس فإن رجعت سيصنعون منّي قدّيدا !! ؟  ما أنــــــا بحاكم يا رسول الّه

 

!! فاجابني جبريل : شــــدّ الحكم باسم ربّك الاعلى !!!!!!  و بيديك و رجليك

 

و نهضت من النوم... و هكا علاش اسمي نهضة...

 

au_sourisreve.jpg


 فقت من منامتي ارتجف و اصيح دثّروني دثّروني ... و انا هكّاكا منهــــوض في حالة و تدخل عليّا بنتي سميّة مولولة مهلّلة و قالتلي

 

:   أبتاه لقد فرّ  بن على الى البقاع المقدّسة , فلنهاجر نحن ايضا   بلاد الكفّار و لنعود الى تونس" نيثــــربها* "  على سنة الّله و رسوله و حسب السلف الصالح

 

لنفرشها رملا و نزرعها خياما يا ابتاه. و نسقيها بول جمل

 

لنطّهرها يا ابتاه من كلّ مضاهر الحدّاثة و التفتّح و لنجعل منها بلاد عربية اصيلة.

 

لنجعل دستورها الاسلام ,  عين بعين و سنّ  بسنّ.

 

ولنذهب الى و سط المدينة و نقتلع الساعة النوفمبرية الماسونية و نضع مكانها حجرة سوداء. فلن يعود هناك حاجة لاستعمال  الساعات فلنكتفي بقيس  الزمن حين يتبين الخيط الاسود من الابيض , كما كنّا سلفا,  كيف ما في  وقت الجدّ متاع جدّ البـــو متاع بـــو بــوك يا بــابا. و كيف جدّ امّك و جدّ الامّة متاع امّك  و امّي . كيف العروق متاع جدود جدودنا... يا ابتــــــــــــــــــــاه ـ

 

و لنجعل من شعبها ملائكة الّه في الارض

 

و لا شراب و لا ق**** و لا ن****  و لا قمار بعد اليوم يا ابتــــــــــــاه

 

السادة المستمعين الكلّ مخّهم وقف في سي النهضوي كيفاش جاه الوحي و كيفاش هبطلو ملاك الّله جبريل عليه الصلاة و السلام  من العالم الاخر حتّــــــــــــــــــــــى لكشي لتونس... جبدة يا صحّيبي!!!!

 

جماعة تقول جبريل هبط كيف سمع بالثورة و يحبّ يوّدنا بحزب النهضة كعربون موّدة و فخر بانجازاتنا الثورية

 

  و جماعة تقول جبريل بعثو بن علي (ماو كان بن علي زادا هو ربروب  ... الّله أحد صحيح  لكن كان بن على يخفّف عليه ما كيفو حدّ.  (من بنى قردان  للمبادوزا كان شعب ثورستان  يصيح  في مناسبة او من غير مناسبة : الّه احد الّه احد و بن علي ما كيفو حدّ

 

 حاصيلو ,  الفئة الثانية تقول  :  بعث  زين العابدين بن علي جبريل مبشّرا  لسي مولى النهضة شماتة فينا خاطرنا قلنالو : ديقاج و خلّيناه بهاك الكلمة يخرج ساقيه اعلى من راسه ... فحبّ يعاقبنا بفازة : شدّ مشوك لا يجيك ما اشوم ... لكن يبطى ... شعب ثورستان لا ينام ...

 

ان عدتم عدنا تقول اختي  الشاعرة ولاء قاسمي

 

هاك العباد هايجة مايجة داخلة فيهم غولة ... ناس منبهرة و ناس مفجوعة

 

و يخرجلهم سي العمّال الاشتراكي

 

au_entole.jpg 


 يشدّ البوق و يقول :

 

ايّا تصدّقوش ؟؟ انا مرّة قاعد على عتبة باب الدار.و نغزر لسرب متاع نمّال متعّدي

 

عشرلاف نمّالة. و حدة تحكّ وحدة . منضّمين مصفّفين منسجمين,  دارو بيّا هاك سرب  النمّال  و انا وقتها يا جماعة لابس سبادري غزالة.

 

و اتحدّوا جميعا و نحّاولي  هاك السبادري

 

ايه نعم

 

, غلبوني هاك النمّالات و هزّولي سبادريا , و قسموه بيناتهم بالتساوي و انا نتفرّج باهت في حكمة ربّي

كلّ واحد خذي لقشة من السبادري 

انا استعجبت و استغربت من المشهد هذا ... كيفاش النمّال كائن ضعيف يغلبني ... لكن زادا ما فهمتش أش ما زال يعملو بيه سبادري ملقّش طروف طروف؟؟؟ لا يتاكل لا يتلبس و لا يتسكن... 

انا هكّكا داهش و مستغرب و وجهي بكلّوا نقاط استفهام ...  و  تخرجلي الامّ الكبيرة متاعهم

 

و تقلّي : عسلامة سي الشيوعي

 

ايه نعم نمّالة تتكّلم

 

...قلتلها  : عسلامة  يا نمّالة  بربّي بش نسال سؤال اش مازل يصلح هاك السبادري الملقّش؟؟ اش بش تعملو بيه ,

 

..يخّي قالتلي : الشنقة مع الجماعة خلاعة  و انّه

 

مازال الشيّوعي ما كمّلش كلامو و هاك النهضوي  يزهر عليه كيف الصيد وجهو بش يطّرشق منّو الدمّ

 

و   يقلّوا

 

  فاش تفشلّم ... ياسر عاد هذا اسمو تخلويض , فمّا نمّالة تتكلّم يخّي ؟؟؟ هذا كفر و تشبّه بالانبياء فمّا كان سيّدنا سليمان يستطيع سماع دبيب النمل لعنة الّه عليك تتشبّه بالانبياء  للفوز بالثــروة.

 

يخّي جاوبو الشيوعي  يترومز

 

و قلّوا : رجّع انت جبريل للدنيا لخرى تو  نحّي خاتم سليمان من صبعي

و نعفس  بسبيدريا على  النملة الّي تتكلّم

 

au_surlefait.jpg

 


 نيثربها : فعل مشتّق من اسم مدينة يثرب. متاع فيلم   الرسالة الّي يحطّوهولنا في المولد

Commenter cet article

Archives

Nous sommes sociaux !

Articles récents