Overblog Suivre ce blog
Editer l'article Administration Créer mon blog

Folies artistiques


كليلة و دمنة : الفار في طهور ولد الصيد

Publié par Sonia sur 11 Avril 2011, 20:08pm

Catégories : #ثورستان


سليم عمامو عمل طهور ولدو و استدعى المدوّنين الكلّ الّا ياسين عيّاري


ياسين عّياري مقهور يتغبّن مشى شرا دبّوزة كوديا و باكو كريستال و بنّك فوق سطح  دارو يسمع في صالح

 

فرزيط : باعوني بلا دلّال  ما عرفوشي سومي و يزبرط ....

 

 و قت الّي سكر قدّ قدّ و ولّا يحسّ في روحو بطل قال :


شبيها لينا بن مهنّي   خير منّي ؟؟؟؟ شبيه سليم عمامو احسن منّي ؟؟ هوّ يقعد على الكرسي و انا نقعد


 واقف. شبيني انا ؟؟ حتّى في قناة الجزيرة عدّاوني . صحيح غلطو في اسمي و سمّاوني اغاني في عوض عيّاري

 

امّا بلّي يكون انا مناضل و ناضلت في نهار على عمّار

 

اتطرشق بالبكاء هزّ دبّوزتو و مشا يترّنح لدار سليم عمامو 


و قف قدّام الباب يلقى الجماعة شايخة تشتح و تغنّي و تصفّق و سليم عمامو في وسطهم قاعد كيف الصيد.

 

يشوف في لينا بن مهنيّ طلعت على المنّصّة و في يدّها عشرة الاف


 : و تقول


ما جيت و ما رشقت و تويتيت كان على ولد خويا سليم و بحياة راسو و هاذي عشرة الاف و حطّولي غناية راكب

على الحمراء  و سرجها مقدود يا سيدي يا مسعود

 

و مبعد يشوف في هناء طرابلسي في يدّها عشرين دينار و قالت :


ما  جيت و ما رشقت  و ما بكيت في القصبة كان في خاطر خويا سليم و حطّولي غناية : منتصب القامة


امشي   في كفّي قصبة زيتون متاع مارسيل خليفة


 تطلع زادا سهام بن سدرين و تقول :

 

ما جيت و ما رشقت  و ما عرعرت كان في خاطر ولدي سليم و هاذي عشرة الاف و حطّولي   غناية منصف


عبلة  عزّرني و اضرب  بالكفّ يا بوليس سياسي ما نقّلك اوووف

 

هوما هكّكا شتيح و رديح عياط و زياط و الجزيرة تصوّر من هنا و راديون كلمة يذبذب من غادي  و يتقدّم ياسين

 

اغاني و يخرجلهم من وراء شجرة الجنينة يترنّح بش يطيح في القاع. عينيه حمر و لسانو متلكون و يقول

 

يا جماعة فيقوا

 

 سليم عمامو  يستغفل فيكم بش يفكّلكم فلوسكم

 

الّي هوما فلوس الشعب

 

فلوسي

 

يحبّ ينسّيكم  الثورة

 

الثورة ما زالت ما وفاتش

 

 و يجبد سيقارو كريستال و يقول

 

ع****  لسليم

 

 ع**** للينا بن مهنّى

 

ع***** للسبسي

 

ع**** للمبزّع 

 

و ع*****  لتونس

 

و حطّولي غناية يالقصّاب وخي حنّ عليّا شويّ

 

2m3vb5rwzk.gif

 

Commenter cet article

Archives

Nous sommes sociaux !

Articles récents