Overblog Suivre ce blog
Editer l'article Administration Créer mon blog

Folies artistiques


الثقافة البرمائية في مجتمع ثورستان : تكلاشيني نكلاشيك

Publié par Sonia sur 12 Avril 2011, 22:39pm

Catégories : #ثورستان

 

نهار ثلاطاش جانفي

في بلاد ثورستا ن ... شهرت سابقا : قمعستان

عاملين مبارات متاع قفز : شكون يطّيش روحو من السابع طاق ما نغير ما يتفرشخ

يا سيدي بن سيدك, بعد التصفيات ترّشحوا ثلاتة 

 

لطفي العبدّلي -

 

هاك الطفل متاع غناية رايس البلاد -

 

و بسيكو م -

 

للتوضيح  فقط , بسيكو م اسمه محمّد و لقبّو بسيكوبات جاء للدنيا مرسكي ... لا خليقة لا خُلوق  لا دين لا ملّة لا صوت لا كلمة لا مخّ و لا قرجومة ... لا انس لا جان لا حيوان ... ما يجي كان بسيكو م.  ايّا لواش,  من الّخر م   هو رمز الردائة . حاجة نستعملوها بش نطّيرو بها على رواحنا العين

 

مانا ولّينا شعب الياسمين و العينين علينا كثير

 

. فبسيكو م و مناصريه من معشر القمل و السيبان هوما النكتة الكحلاء الى تجي ديراكت في عين الحسود الّي ما يصلّيش على

النّبي  علينا

 

 ايّا يزّيه نسكرّوا القوس توّا و نطّيشوا المفتاح في االمرحاض و نجبدوا الساش

 

يا سيدي بن سيدك, جات الطامّة و العامّة و كيف ما يقولوا الجماعة الّي تفهملها : كافة افراد المجتمع المدني ... بش يحضروا في مسابقة التفرشيخ

 

يتقدّم هاك الطفل متاع رايس لبلاد و يقول : بسم الّه الرحمان الرحيم , انا مستعدّ نطّيش روحي من ثلاثة طيقان في غرق زوز ميترو ماء

  و قبل ما نعمل البلونجون متاعي في البانو البلاستيك نحبّ نغنّى بمناسبة القفزة التارخية هذي,  غناية كلماتها حرشة شوّية.

,كــــان متتّ هاوكا قولو انتحر و علّقولي عرجون ... انا منّا و الّا من غادي ميت ميت

و كـــــــان منعت,  نطلب بش تعطيوني فرصة للتوضيح : راهي غنايتي عندها ابعاد اخرى و انا لا اقصد الاسائة لبن على و انّما نخاطب فيه كيف ما ولد يخاطب و يشكي لبوه.  

 

 طلّع هاك المغبون فوق سطح الثالت طاق لبس هاك البوني و كادنا بالشرلية في رقبته و مدّ يديه و جبد زوز صوابع , (الحركة الرسمية متاع جماعة الراب) و بدى يصيح :

 

يا رايس البلاد شعبك جيعان

 اوي ياي ترالا  ترالا

 

و ينقّز

 

ordinateur-plongee-eau_-cr01s022.jpg

تشرطفففففففف بلوق

 

 يسّلكها,   يطّلع راسو من الماء و يخرج سليما معافا... ما تكسّرتلو حتّى ضلعة

يصّفقوا عليه كافة افراد المجتمع المدني

 

و يتقدّم لطفي عبدّلى شُهر جعبــــــون

 

شفتوني انا ؟؟؟؟؟ انا اقوى من هاك الفرخ متاع رايس البلاد و اقوى منكم الكلّ -

باهي ؟

احنا الفنّانين من واجبنا القفز في المناسبات هذي و كيف مايقول الشاعر

Qui ne tente rien n’a rien

احنا الفنّانين نركبوا على العصر متاعنا بش نعبّروا عليه,     أحنا احسن كاتيقوري خلقها ربّي و انا على وجه التحديد اقوى فنّان في بلاد ثورستان, و بالامارة بش نقفز من السابع طاق في غرق ميترو ماء ,  و قبل ما نعمل البلونجون متاعي  في السطل عندي

deux mots à dire à mosié le prizidon

قبل ما نتكلّم

Je veux un arrière plan gris, et je veux qu’on me filme en noir et blan, avec un fond sonore mte3 film saw

كان شفتوني نفرفت في السطل ما تسعفونيش خلّيوني نموت برا س امّكم. ندخل للتاريخ و ما ندخلش لحبس بن على

 

لبس هاك الماسك الاكحل, معاد تشوف كان شفايفو تتحرّك. ماو  المرايات اكبر من وجهو العزاء المسقّي و قال

 

- mosieur le prisidon !  tu nous frapes, tu nous   censure  ti  dégage sale con connard , minable , za7777 :’(

 

و يطيّش روحو رولاد في الهواء

 

plongeur-plongee-eau_-pg01s022.jpg 

بووووووووووووووووووووف بلوق

جاء مغروس كيف راس البصل, جبدوه النخبة المثّقفّة... طلع مازال يتنّفس.

 

شكون قعد يا جمــــــــــاعة توّا ؟؟؟

قعد سي البسيكوبات

 

بسيكو م  قال : انا موش كيف لطفي العبدّله الكافرو العياذ بالّه  انا شريف عفيف  صحيح نتفرّج ساعات في مجّلات بورنو و نفانتزمي على سوسن معالج و الفة يوسف و بنات حومتي ... نحلم بيهم في اليل و نسبّ والديهم في النهار .لكن عمري ما زنيت و ما نصّلي  كان حاضر في الجامع.

صحيح انا ما نفلّت حتّى خلفية انثوية, كيف تتعدّى المرا نتلّفت نكّحل عليها و نقول في قلبي 

صلّي  عالنبي تربح ّ... يمين يسار و المسلمون شعب الّه المختار .. و برشا كلام اخر نحشم بش نقولهولكم  لكن كيف نكّمل من التكحيل نقول بأعلى صوتي استغفـــــــــر الّه العظيــــــم... و نسبّلها والديها من الفوق و واحيانا نصوّرها بالتالفون و نحطّها في الفايسبوك  بش نشوّهلها سمعتها و  تكون عبرة لمن تعتبر ... و تترّبى وتتعلّم تلبس جلباب المرّة الجايّ.

 

انا انسان مجاهد اناضل في سبيل دين ربّي ... انا  انسان يخاف ربّي  قليل و ين نغلط و بش تتاكّدو من صحّة كلامي هاو   بش نرمي روحي  توّا من العاشر طاق في غرق شوليقة مسحان مرنّخة بالماء . و توّ تشوفو كيفاش بقدرة ربّي نقوم لابس ... خاطر المسلم الحقيقي ديما ربّي و النبّي معاه.

 

و يطلع فوق سطح العاشر طاق  سمّي بسم الّه و رمى روحو

 

camelote-boite-plongee_-tc01s022.jpg

 

و طرطاااااااااااااااااااااخ تفرشخ كيف الدلاّعة. قوايمو الكلّ ادّقدقت و تفريك قطعة قطعة

 

المجتع المدّني تشمّت فيه بطبيعة الحال 

الناس الكلّ بدات تغنّي :

طهّر يا لمطهّر 

 

 مشّجعينو متاع القمل مشاو يجريولويشوفو فيه مات و الّا مازال حيّ . يلقاوه مازل حيّ

 

لاباس بسيكو م  الو الو بسيكو  شهّد كان بش تموت-

 

 بسّيف يتكلّم يجاوبهم

 

علاه هكّا ... علاه؟؟؟  كان موش الملائكة لقفتني راني ميّت توّا ... علاش هكّا موش قلتلكم شوليقة المسحان لازمها مرّنخة بالماء ؟؟؟؟؟ شكون البهيم الّي عصرها ؟؟؟ يهلككم  شعرة لا قتلتوني

 

 و توفى  حفلة القفز بغناية   الناس الكلّها تحشي فيه ... متاع هاك الحميعة الّي تغّني تحشي فيه

 

etoile-plongee-eau_-st01s022.jpg

Commenter cet article

Rania 13/04/2011 01:37



9taltni bi dho7k. Ma3adish najjam :D Wassili wassili :D



Sonia 13/04/2011 19:34



ما تموتش عاد :) شكرا



Archives

Nous sommes sociaux !

Articles récents