نَوَّارَة حْنِينَـة

Publié par Sonia sur 1 Juin 2009, 09:39am

Catégories : #POEISIE

Photo captée par clandestino

نَوَّارَة حْنِينَـة

مُمْكِنْ يَاسْمِينَـة

وْ مُمْكِنْ رَيْحَانَـة, غِيرْ كُلّ الرَّيْحَـانْ

تضْحَكْ و حْزِينَـة

فِي حُضْن جْنِينَـة

تحْكِي لِلنِّسْمَـة,

وْ تِشْكِي،

مِنْ ظُلْمِ الإِنْسَانْ

قَالِتْ يَا خْسَارَة

آنَا نَوَّارَة

لاَ عِنْدِي جَاهْ, وْ لاَ عِنْدِي سُلْطَانْ

كُلّ اللِي عِنْدِي

رِيحَة عْلَى خَدِّي

هِيَّ اللِي بِسْبَبْهَا, كَان اللِي كَانْ

تحبني و تَحْرَقْنِي

ساعة تصَدَّقْنِي

لِمْحَبَّة تُقْتُلْ, لِمْحَبَّة سَجَّانْ

لَوْ كَانْ بِيدَيَّ

رِيحِةْ خُدَّيَّ

نَعْطِيهَا هْدِيَّـة, و نْعِيشْ فِي أَمَانْ

اللِي يَهْوَانِي

يَجْرَحْ أَلْوَانِي

يْخَلِّينِي نْقَاسِي

فِي مَحْبِسْ قَاسِي فِي مَحْبِسْ قَاسِي

مَا عَادِشْ فَارِقْ,

لاَ,

مَا عَادِشْ فَارِقْ

بِينْ القَلْب العَاشِقْ

و القَلْب اللِي مِنْ صَوَّانْ

Clandestino et moi

نَوَّارَة حْنِينَة
سْمَعْت حْكَايِتْهَا
حَسِّيتْ بْرُوحِي
سَاكِنْ رِيحِتْهَا
وْ هَارِبْ مِنْ ظُلْم الإِنْسَانْ

حديث الورد

Selectionner le tout,

Commenter cet article

Curieux....Curieuses.....C'est.....ICI

01/06/2009 13:10

Article trés sympa.......Lorent et ses 2900 trésors les Taille-crayon

Répondre

Fethi

01/06/2009 13:05

Très beau texte! Et superbe photo

Répondre

سفيان الشورابي

01/06/2009 12:12

مزينهم الكلمات هاذم ومحلاكم الزوز ربي يدوملكم العشرة

Répondre