نَوَّارَة حْنِينَـة

Lundi 1 juin 2009 1 01 /06 /Juin /2009 11:39

Photo captée par clandestino

نَوَّارَة حْنِينَـة

مُمْكِنْ يَاسْمِينَـة

وْ مُمْكِنْ رَيْحَانَـة, غِيرْ كُلّ الرَّيْحَـانْ

تضْحَكْ و حْزِينَـة

فِي حُضْن جْنِينَـة

تحْكِي لِلنِّسْمَـة,

وْ تِشْكِي،

مِنْ ظُلْمِ الإِنْسَانْ

قَالِتْ يَا خْسَارَة

آنَا نَوَّارَة

لاَ عِنْدِي جَاهْ, وْ لاَ عِنْدِي سُلْطَانْ

كُلّ اللِي عِنْدِي

رِيحَة عْلَى خَدِّي

هِيَّ اللِي بِسْبَبْهَا, كَان اللِي كَانْ

تحبني و تَحْرَقْنِي

ساعة تصَدَّقْنِي

لِمْحَبَّة تُقْتُلْ, لِمْحَبَّة سَجَّانْ

لَوْ كَانْ بِيدَيَّ

رِيحِةْ خُدَّيَّ

نَعْطِيهَا هْدِيَّـة, و نْعِيشْ فِي أَمَانْ

اللِي يَهْوَانِي

يَجْرَحْ أَلْوَانِي

يْخَلِّينِي نْقَاسِي

فِي مَحْبِسْ قَاسِي فِي مَحْبِسْ قَاسِي

مَا عَادِشْ فَارِقْ,

لاَ,

مَا عَادِشْ فَارِقْ

بِينْ القَلْب العَاشِقْ

و القَلْب اللِي مِنْ صَوَّانْ

Clandestino et moi

نَوَّارَة حْنِينَة
سْمَعْت حْكَايِتْهَا
حَسِّيتْ بْرُوحِي
سَاكِنْ رِيحِتْهَا
وْ هَارِبْ مِنْ ظُلْم الإِنْسَانْ

Par Sonia - Publié dans : POEISIE
Ecrire un commentaire - Voir les 3 commentaires

Folies Artistiques