Overblog Suivre ce blog
Editer l'article Administration Créer mon blog

Folies artistiques


الحرية ما تتعطاش ... تفتك

Publié par Naufrage sur 1 Juillet 2008, 22:07pm

Catégories : #Mes é-Crits

كلمتني اليوم صديقتي فطوم

وقلتلي

فيييييييق

اليوم لازمك تعبّر بكلّ حرية

قلتلها

انخاف ... من عمّار لا يكسرلي قلمي

نحشم ... ممكن افكاري الدفينة تغششّكم و تجرحكم

كنت ديما انعبّر  بحرية

على امل اني نسمع صدى صوتي فيكم

لكن  تشقشيق المفاتح و صفّارات الانذار

صدّعولي وذنيا

نعتوني بالعاهرة و الكافرة والبلهاء

عيفوني في الكتيبة و التدوين

التعبير اللغوي لازمو برشا حرية

والحرية كذبة

ما عادش انجّم انصدقها في بلادنا

Commenter cet article

Mazar 10/08/2008 22:25

Salut NAUFRAGE,صحيح الحرية في بلادنا كذبة ونفاق اجتماعي وسياسي، لكن يلزمنا ندفعو ثمن ولو كان غالي شوية.وبالمناسبة بعثتلك هدية على الايميل متاعك، فيها محاولة للإجابة عن أسئلتك اللي حيرتك.وان شا الله تعجبك

ARTticuler 03/07/2008 15:21

تتعطى ولا تتفك..الحرية تتسرق.!
ايجا نقلك كيفاش..
اسرقها وهي نائمة في كتاب..
اسرقها وهي خارجة من باب .
اسرقها من دنيتها وعيش معها أحباب..
الحرية ،قشرها من فكرتها
و ذوق بنتها ...آش قولك؟
موش طعمها أحلى من كلمتها ؟
مش عيشتها أحلى من "تنظيرتها"؟
الحرية كيف التفاحة المسروقة من جنتها
في سرقتها تزيد بنتها
و نزيدك زيادة في حلاوتها :
حواء ما دفعتش ثمن خطيئتها...لا
حواء دفعت ثمن حريتها

Naufrage 03/07/2008 21:51


محلاه كلامك
يعطيك الف صحّة
:))


Clandestino 03/07/2008 14:38

ياخي شنوة قال بلملوان باش ياخو البوسة ؟؟؟و الا -تقول انتي - لكلو تابع حرية التعبير ؟

Naufrage 03/07/2008 21:48


ياااااااا مازلت تغير علي شيري
:))
مروان الوان صديقي
وخيك ما يجيش
و يا سيدي
هاو قبلة حبلى بالمعاني
و النامووووس
;))
ههههه


BelMalwene 02/07/2008 15:10

عبّر يا سوني عبّر و الشعب معاك ... لا لرمي المنديل

Naufrage 03/07/2008 13:28


نعرف نعرف
ىا مروان
بالالوان
بوسة


Werewolf 02/07/2008 10:48

فاش تستنى باش تفكها و تعبّر

Naufrage 03/07/2008 13:30


هاني انعبّر حتى لين انفكها


Anonyme 02/07/2008 10:19

Eh petite doit parler sans toucher les tabus c´est ca FREIHEIT

Naufrage 03/07/2008 13:33


ca veut dire quoi Freiheit??


arabicca 02/07/2008 04:51

ههههههههه تستاهل  توة انا قتلك امشي فركس على  اسم الله العظيم  حرية التعبير في غانا؟  هههههههههههه مانى قتلك عبّر  اكاهو بلاش نقاشات  زايدة هههههههههههههههههههههههههههههه

Naufrage 03/07/2008 13:39


ماو حبيت نحكي على حرية التعبير على بزّو و معناه
يخي لا لقيت لا معناه و لا بزّو
ايجا الهوني للّا
شنوة معناه " نقشات زايدة"
تحب تقمعني

؟؟
:)))


Archives

Nous sommes sociaux !

Articles récents