Folies "Artistiques"

تعبنا

و اله تعبت من التحول

اش و قداش من سنا قاعدين تتحولوا

ريتم قوي عليا

نحب نستقر و نفهم روحي

بربي و قفوه الترينو و فهموني

باهي فهموني حتّى الجملة  هاذي

ها نوفل وخي

بجاه ربي كلمني  وجاوبني بالفلاقي و قلي

اش تحب  تقول بالجملة هذه؟

المفاهيم الجديدة  في خطاب الساسي تاع تحو ل ؟؟

تسمع فيّا ماو

الو الوووو

يا نوفل

على اناهو  مفهوم قاعد تحكي و تقص و تلصق من الصباح !؟؟

اني واله ماني فاهمة شيء

و على انا جديد تحكي؟

جديد ؟

قلت جديد؟

 فينو؟؟

 شكونو ؟

 و شكون الساسي ؟؟

ووين بش نتحولوا

     لا بربي خلينا هوني يزي ستانسنا و مستانسين

    Mur du silence
 

Le baiser






Fusion



 
les coulisses des mes bleus 



 

Un "bleu" mirage

"L'air que nous respirons, l'apparence de vide sur laquelle remuent nos figures, l'espace que nous traversons n'est rien d'autre que ce bleu terrestre, invisible tant il est proche et fait corps avec nous, habillant nos gestes et nos voix. Présent jusque dans la chambre, tous volets tirés et toutes lampes éteintes, insensible vêtement de notre vie. "

" le bleu ne fait de bruit de Jean-Michel Maulpoix"

تخلقلي  جوانح و تطيرني

بيها  كنت نسافر الفوووووق

وراء السماء

نبوس  ربّي و نعنّق احلامي

ونوشوش  حكايات النجوم في قلوب احبابي

مابين غصرة المخاض و لذّة الولادة

تفسخني

 و المعنى يعاود يرسمني

كانت الكلمة تعاود تخلقني

 تغسلني و تجددني

الكتيبة  كانت جنتي

و تقلبت لحكاية

كتيبتي  تحنطت

كلماتي  يبست و تشققت

ما لقيتش كيفاش نسقيهم

ما لقيتش باش نرويهم

نتعارك  معاهم الف مرّة و ما يخرج من الحلق كان

الحاء

ونغزل  معنى

نحب  نزرع نجمة ونوارة في قلوبكم

نحب  نسمع صوتي في تنهيداتكم

نسكت

نتغصور

 و نشدّ القلم ومحسوب بش نكتب

لكن

نجمتي تطفي قبل ما نزرعها

يدي  ترعش الف مرّة قبل ما تحفر الكلمة

نتلفت ورايا

و يتعدى خيال زمان قدامي

تصاور كحلاء بيضة تبهتني و تسكتني

تصدعني  قهقهة الدنيا 

والزمان  يقلّي

ونستسلم  للسبات

نرقد  و ما نحلمشي

تعبت

الدنيا غلبتني

سرقتلي  كلامي

سرقتني

الحقيقة  جمدتني و غلّفتني

التعثيرة  فيقتني و خدرتني

 والصمت سكنني

ننفظ  ترابي و نقوم

نكتب

و ما نحفر كان اسمي

 و سبعة  نقاط  تعجّب