Folies "Artistiques"

بعد اربعطاش جانفي كثرت اللمّات و المجالس و الحفلات  ...

اه مالا  

 امن و امان يعمل الكيف.

و حتّى من الفار الّي كان حدّو حدّ شكارة الخبزمن الكوجينة للمسكوكة ( روقارة في اللهجة الرسمية التونسية )  و لّي يخرج من جحرو و يتجوّل بكلّ ثقة في النفس ... يتبختر في الشوارع و راسو عالي

ايّا سيدي نهار فمّا "بيتش بارتي" يڤطّع في البلاد

النمر و الجمل العلّوش الكركدن   والقطّوس الكلّهم يحضّرو في رواحهم ماشين للحفلة ... الفار  هو زادا يحبّ يمشي يشتح  كيف اندادو .

حطّ الحطّة , لصّق شعرو بالجال , لبس صبّاط العيد و عملّ زرّيقة ألكول و شدّ ثنية البيتش بارتي ... يغنّى فرحان راجع راجع يا بلادي عبر الجبــــال.

هيّا كيف وصل  و قف قدّام الباب و شدّ الصفّ و الابتسامة تعلو محيّاه بش يدخل يبتهج .

الكلب واقف في باب الحفلة يحسب في قدّاش من واحد دخل و يعّد فيهم واحد واحد بعد ما يثبث في هوية كلّ حيوان

الجماعة الكلّ دخلّت و شدّت كراسيها... القرد الحصان امّ لبوية و الجرانة  الّا الفــــار .......

الزبّانية ما خلّاووش يدخل بطبيعة الحال  .. على خاطرو  فــــــار

هاك الفار يقرّق و يجبّه يبكي و يصيح :  كفانا كفانا من ممارسات العهد السابق ... لا للاقصاء  لا للتميّيز و يني الديمقراطية ؟؟؟؟  يا جماعة ما تبدّل شيء ... فيقوا يا ناس 

هو هكّاكا كشاكشو تتناطر و يعطيه الكلب بالمشطة ...  يجيب ينطّرو في قلب الكيّاس

بالصدفة, يتعدّى محّمد الغنّوشي بالكرهبة ماشي زادا هو للبيتش بارتي

هاك الفار يرمي الاربعة  و يعتصملوا في الثنية

  شدّ فران الغنّوشي  شعرة لا تقلبت بيه الكرهبة و يهبط يجري 

ويقّلوا : علاش هكّا ؟؟؟ قوم عيّش ولدي

الفار :  حقروني و ماحبّوش يدخّلوني  و يني حقوق الفئران ؟؟؟ و ينها كرامة الفئران؟؟  يا غنّوشي ما يزّ يش قبل قمعونا و عذّبونا و شوّهولنا سمعتنا و اليوم كيف كيف ؟؟... بالحرام ما نحرق   روحي هالليلة القّ ***  و نعمللكم فضيحة في قناة الجزيرة 

الغنوشي وجهو يصفار و قلّو : و سّع بالك يا فار عيّش ولدي يكون منّك العقل رجاء رجاء.... بلادنا ... و تخنقوا العبرة .... يمسح دموعو و يمخط خشمو و يقلّوا  باهي قوم يا فار و تبّعني .

يمشي الغنّوشي و في قلبه يربرب و يسبّ في الامّ متاع امّ الفار الّي جابت دين والديه

و هاك الفار ماشي وراه بش يتنطّر بالفرحة قريب يخرج من قلبو كانالو يزقزق .

يمشي  بكتفاتوا و راسو عالي مرّة اخرى

و يغمز للعسّاس متاع الباب يتدّكك عليه

و يقلّوا : اتحمصّ ... انا فار بتجربيــــــــــعي,

انا فار باعتصـــــامي

 و انت ما ك الّا كلب بلّى تعمل تقعد كلب

و دخل الفار للبيتش بارتي و دخّل الغنّوشي ...  و قعدو قدّام البار بحذا بعضهم

غزر  الغنّوشي للفار و قلّو : اش تشرب سي الفار؟

بيرة سي الوزير -

الغنّوشي  قال لفرحات الراجحي  :هات كعبتين بيرة  وحدة ليّا و وحدة لسي الفار

اه يا فار ؟؟؟ مريڤــــــل ؟؟

امريــــــــــــڤل سي الوزير -

نزيدك كعبة اخرى يا فار - 

زيدني - 

صحّا يا فار  ... نزيدك كمية يا فار؟ - 

لا نحبّ فودكا بالشارك - 

تاخو يا فار تاخو ... صبّلوا الفودكا يا نجيب يا شابّي -

 مريڤل يا فار ؟ -

امريـــــڤل يا غنّوشي -

و يعمل  الفار تڤريعــــــــــة متاع ثمّ ثمّ. 

  غزر الغنّوشي للفار و قلّوا :  صحّا يا فار ... زيد  تڤّـــرع يا فار . خوذ راحتك  يا فار .... شايخ يا فار ؟

الفار  ڤحرلو و  نڤّـــز  جاء فوق البار.  و قف على زوز ساقين

و قلّوا  : 

اسمعني نقلّك . ما زلت تقّلي يا فار انّحيلك ربّ شرعيتك

باهي؟

مشدودا كالوتر بين الماضي و الغد

تعرف كلّ ما خسرت و تركت وراءك

و لا تتبيّن امرا من امور الامام

لكن جاذبية افقية تدفعك بقوة العاصفة الى محتويات الامام

الى مجهول فاتن في قصيدة لم تكتمل تبدأها انت

ثمّ تقوم هي بتولّي مسارها, حيث يتغلّب المصنوع على الصانع و الوليد على الوالدة

سمّوك الحالم... وفسروا احلامك قبل ان تراها

و قلت : ابتعدت قليلا لاقترب

فقالوا : هذه طريقة النادم في الكلام. فهل ندمت حقّا على هذا السفر ؟

قلت : لا اعرف ما دمت في اوّل الطريق

و كان عليك ان تختار الهامش لتعرف اين انت

الهامش نافذة تطلّ على العالم, فلا انت فيه و لا انت خارجه

الهامش زنزانة بلا جدران

الهامش كاميرا شخصية تنتقي من المشهد ما تشاء من الصور

وسمّوك الحالم حين اخترت الهامش لترى حلمك و يراك منكبّا على تذكّر اسمك القديم الذي يتبعك كضلّك,

و لا ينطق

لو نطق الظلّ لأرشدني

و كنت تنظر اليّ من الهامش, لانّ المسافة كما قلت لي مصفاة و مرآة

و قلت لي : سامضي غدا معك, لانّ الهامش يتاملّ و لا يفعل

طريق يعلو و يهبط , ينموّج و يتعرّج و يطول, و يتفرّع الى طرق لا حصر لها

ولا نهاية تجتمع بالبداية

كم مرة نبدأ من البداية؟ و نجونا من موت كثير, و هزمنا النسيان

الصمود هو البقاء و البقاء هو اوّل الوجود

اما من شرفة في هذا العالم تطلّ على نهاية اخرى ؟

مقتطفات من حضرة الغياب لمحمود درويش