Folies "Artistiques"

أزيلُ الصدأ برؤوسِ أصابعي , و أطلقُ اللونَ ليقتلَ العمرَ العتيق

تذهبُ أصابعي في الموجِ , أضغطُ على الجرحِ

    
أصابعي غرقتْ , و طافتِ الذاكرة   

 
تجيءُ من قرميدٍ بعيدٍ , من مساحاتِ الوشاية , من السواقي حيثُ التخبّط في الوحل

    
تجيءُ من بردٍ شاردٍ في السواحل , من عطشِ الرملِ للماء   

تجيءُ من وجعٍ , من سرابْ

أزيلُ الصدأ برؤوسِ أصابعي , و أطلقُ اللونَ . . .

تذهبُ أصابعي في الموجِ , أضغطُ . . 

أصابعي غرقتْ . 

في الحبِ الذي لا يكتمل , في الحزنِ يأتي عاجلاً , في الخطايا 

في العيونِ التي امتدت لتكشفَ الخفايا , في الأجسادِ العفنة 

في النفوسِ , في الليلِ المنتشي

أزيلُ الصدأ برؤوسِ أصابعي . . .

تذهبُ أصابعي . . 

أصابعي . 

رفعت شالَ الفتاةِ و كشفت سرها , أصابعي مسحتْ دمعها 

عزفت برموشِ عينيها أحزانَ الشرق , و تحررتْ

 
أصابعي أمسكت بها من خصرها , و طارتْ

أعدُّ أصابعي أملاً . . أملاً , أغرسها في وجهي , أغرسها و أضغطُ , أنحني كاملاً 

لا أنحني كي تمرّ العواصف , فالشتاءُ انقضى

أنحني احتراماً

لما بقي من معالمِ الوجهْ

سومر شحاده 

                                 Peinture à l’huile sur Toile réalisée en 2010 100 /80cm Sonia Makhlouf                        

  سومر شحاده 

أسندُ الجدارَ بيدٍ , و أتركُ يداً للشغبْ

أسندُ الجدارَ , و أرسمُ عليهِ 

كُلَّ الذي يذكرني بنفسي

أرسمُ أطفالاً يعبرونَ الشوارعَ , غير مكترثينَ بالموتِ السريعِ 

أرسمُ أشباحاً زرعها وهمُ الحكاياتِ , بأنّهم سيدخلونَ من النوافذِ المشرّعة

أرسمُ الترابَ بلونِ عباءةِ جدي , و السماءَ ترتدي البحرَ فأضيعُ لأيِّ أزرقٍ أنتمي ؟!

أرسمُ أصدقاءَ يلعبونَ حولي , ندورُ في ترفِ العابثينَ بهدوءِ المنازلِ و أرصفةِ الحكماءِ حولنا

أسندُ الجدارَ بيدٍ , و أتركُ يداً . . .

أسندُ الجدارَ , و أرسمُ . . 

كلّ الذي .

يمرُّ في ذاكرةِ الغروبِ

أرسمُ حنيناً للذينَ أحببتهم 

حنيناً للذينَ غابوا

أرسمُ حنينَ النهايات , خوفاً من الوحدة

أرسمُ خوفَ البداياتِ , حنيناً للمصير

أسندُ الجدارَ . . .

أسندُ 

كُلَّ .

من جاءَ الجدارَ خائباً

كُلَّ من تركَ النوافذَ معلّقةً

كُلَّ من تركَ البابَ موارباً

أسندُ الجدارَ بكلتا يدي أضعُ المسامير فيها , ألصقُ جسدي بهِ كالصليبِ , أصبُ في الجسدِ الحنينَ !!

أصبُ في الجسدِ الحنين , لوناً للحياة 

  : سنية مخلوف

 و هذا الوشاح الازرق الذى يكسو جدران ايّامنا الا يمكن ان يتجرّد من الذاكرة و يتواضع قليلا امام

  الحزن و الحنين و يلتحف النسيان ؟ 

لماذا لا يرشدنا هذا الازرق المكتوب فوق جدران الملح الى طريق النوارس

حين تعلو و تعلو مردّدة ايقاع البحر المزغرد فينا

Mercredi 31 08 2011 Echange sur Facebook

نهار من نهارات الصيد طاح بيوسف باتريوت و ياسين عيّاري  واقفين قدّام شجرة الهندي. يجبدهم الزوز من شعوراتهم و يكركرهم من الشجرة حتّى لقلب المغارة اين يقبع السبسي

السبسي يقلّهم : فاش تعملو قدّام الشجرة ؟

يكحكح يا سين عيّاري يجبد سيقارو كريستال كيف العادة يا خو نفس و ينفخ على و جهه السبسي و يقول

شوف   سبسي   

ما عندكشي الحقّ تمنعنا من ماكلت الهندي

انت مواطن كيفك كيفنا و احنا نخلّصو فيك بش تنظّم المغارة و توّزع ثرواتها

انا نخلّص فيك من فلوسي

و الكرسي الّي قاعد عليه هذا من ممتلكات الشعب

ملكي انا

و لهذا انا من حقّي ناكل الهندي كيف ما نحبّ و وقت ما نحبّ

احنا كيف خرّجنا على بابا و قمنا بالثورة من اجل الحرّية و الكرامة

موش ليوم بش تجي انت و تحرمنا من ماكلت الهندي و تسيّب علينا الصيد يشمشنا

لا للقمع و لا للترهيب

يوسف با تريوت يونون وراه, يحلّ هاك الجلغة و يقول

هندي هندي حتّى يسقط السبسي

*تجيه تبخبيخة فليتوكس الّله اعلم منين  يطيح دايخ

يخّي يجاوب السبسي ياسين و يقّلوا   :

 يا ولدي نعرف الّي الحلاقم بعد ما خرج علي بابا و ساعت,  امّا راهو هذا ما يبرّرش استهلاككم المفرط في الهندي  .

اوّل حاجة الهندي ثروة لازم نحافضو عليه و فيعوض ما نبذّروه نصدّروه

ثاني حاجة انا مانيش فاضي شغل بش نقعد نسرّحلكم في حلاقكم

بالعربي يا ولد اغاني راهو الهندي يعصّم يعمل القبض و القبض يعمل العذر

يعطيني كيّه فهمتشي توّا ؟؟؟؟

 يجاوبو ياسين :  

من فضلك لقبّي عيّاري موش اغاني اسمي ياسين العيّاري, قناة الجزيرة  غلطت من كثر ماهي تزيد فيه لين ولّات تستخايل عنّا حفلة في تونس موش ثورة و حسبتني مزاودي في الحفلة. تي ... استغفر الّله العظيم في الثورة ...

و بالنسبة لحكاية القبض الّي تحبّ تسكتّنا بيها و مرض العذر الّي تخوّف فينا بيه, راهو ما عادش  يجدّ  علينا ... يا حسرة كيف كنّا غافلين ... العب غيرها يا قائد الباجي السبسي

  الحلقوم حلقومي و انا حرّ فيه و في صورة ما اذا يصّح كلامك و نعتصم موش مشكل, حلقومي واسع و عندي التقّة فيه, و انا مصّر بش ناخو الباي متاعي في الهندي

 السبسي:  هذا الّي بيك ولدي ؟ تحبّو الهندي بقشورو و الّا مقشّر

ياسين : بقشورو كيف ما هو ما تنقص منّو حتّى شوكة. ملكي متاعي و حقّي و انا نتصرّف فيك كيف ما نحبّ

السبسي :  الّله يبارك سيدي ارضى عليا برك و ما تطّردّنيش

و يصيح  : يا صيد جيب صندوق هندي لسي يا سين

ايّا اقعد سي ياسين بش تاكل الهندي .

يا صيد كتفلو يديه و حلّو هاك الجلغة

و بدا الصيد يرمي بالكعبة بالكعبة و يا سين يقول

ا ي  ا ياي اي ا ياي ... لين و لّى ينهّق

هكّاكا يفيق يوسف باتريوت من الدوخة متاع الفليتوكس 

ان عدتم عدنا ان عدتم عدنا ديقـــــــــــــــاج اعطيونا ديقـاج

يقلّو  السبسي : انت خليقة و لّا صنيعة ولدي  شبيك هكّا حاشا خليقة الرحمان تقول  عليك ع**** بالوذنين

يوسف : احترم نفسك يا عزوز يلّي ما تحشمش يا بهيم يلّي بيك يا شلائكي يا عميل يا حقير

هاك السبسي ولّا يسكّك بالضحك و قال

ريت و ريت و ما عمري لا ريت كعبة كاكي تتفافا هكّا على بدنها

باهي اش مقّربك انت لشجرة الهندي؟؟؟؟  تي انت كان تاكل شطر كعبة تو ترّصيلك في الاستعجالي علاه استهّلها في روحك ؟؟ تو بربّي منين بش نشدّك و كيفاش بش نعاقبك ؟؟؟ لا حول  الّله تلزّو فيّا للخطيئة ؟ علاش شاعملتكم تركّبولي في الذنوب عقاب عمري

يقلّوا يوسف :  شوف يا عمّي الراجل . انا انسان ميت ميت هاك تشوف في حالتي . مريض بالسلّ و بالبوصفّير . و عندي السيدا في سِنّيا. و الهندي ما نكلوش و ما عندي ما نعمل بيه. الخيرات متاع المغارة ما تهمّنيش و المغارة انا اصلا ما نسكنش فيها و ما تعنيلي شيء. 

 يقلّو السبسي :  مالا شبيك مسمّى روحك باتريوت يا بلعوط؟؟  و اش مقرّبك للشجرة ؟؟؟؟؟

باتريوت :  اسباب شخصية ... محنة الّله غالب ... هاك تشوف ناقص متعة و تسلية و نهار الكلّ وحدي بين اربعة حيوط . كيف سمعت بحكاية الهندي المحرّم ... في ظهري

ايّا عاقبوني بربّي عاقبوني

  السبسي : كيفاش تحبّ العقاب ؟

  بتريوت : انا ملّى وليت نعقل كان علي بابا يمنّي فينا برفع التحدّيات و كنت وين نمشي نقرى كلمة خيار المستقبل خيار المستقبل...  في الحيوط على البيبان نسمع بيه سمع و عمري ما ريتو عمرو ما مدّهولي و الّا عطاهولي

تعملو مزية ارفعولي تحدّياتي و اعطيوني خيار المستقبل ....   حتّى الموت

السبسي يندب وجهو و قال : ريت و ريت و ماريتش في حياتي خيار  ناطق كيفك

هاك السبسي حار فيه ماعرفش كيفاش يعاقبو و شنوة يعمل معاه. و قرّر انّو الشعب يحكم عليه

انا نقترح

 يحنّطوه حيّ و يحطّوه في متحف الثورة

و انتوما اصدقائي الصغار ؟؟ شنوة تقترحوا؟ مع العلم انّو موش تجمّعي معناتها تقليع العينين و قصّان الصوابع و ذبحان علّوش اثر ذ لك قدّام المحكمة ما يركبش عليه ؟؟

ايّا بربشولي  الصيد الراقد فيكم و قولولي كيفاش نعاقبو يوسف باتريوت ؟؟؟

مع العلم ايضا هو لاهو حيوان و لاهو انسان ...و ماهوش داخل في المنضومة البيئية. و ماهوش كائن حيّ. حاجة و برّا

معناتها خوذوا راحتكم  و فتقّوا مواهبكم 

في بلاد ثورستان فمّا قرية اسمها ديموكراسي 

في هاك القرية  عاملين مسابقة متاع تفشليم , الّي يفشلم اكثر ياخو ثــــــروة و يبــــــرك عليها وحدو

الفشلامة الكلّ تلّمت و كلّ واحد يزيد القمح يزيد الدقيق :    حزب البعث و  حزب البصّ و حزب الدرجيحة و  حزب الخنفوسة و  حزب السطل الازرق و  حزب العنقود

الاصفر المستمرّ

حاصيلو قرابة اش و خمسين فشلام الكلّها تشبه لبعضها تسمع حكاية تنسى لخرى ... و على ما تسمع حكايات و خرافات معادش تنّجم تفرّق بين حزب الكانون الملتهب و بين حزب الطنجرة المتجدّدة

لين رصّات في الّخر ما بين زوز اكبر فشلامة : فشلام النهضة و فشلام العمّال الشيوعي

سي النهضوي قال:

تعرفوش علاش اسمى نهضة ؟؟  انا مرّة راقد, جاني جبريل عليه الصلاة و السلام في منامي

: و قلّي 

انهــــــــــض . شـــــدّ الحكم في تونس -

قتلو : انا منفي  يا رسول الّله !!!  فكيف لي ان احكم تونس فإن رجعت سيصنعون منّي قدّيدا !! ؟  ما أنــــــا بحاكم يا رسول الّه

!! فاجابني جبريل : شــــدّ الحكم باسم ربّك الاعلى !!!!!!  و بيديك و رجليك

و نهضت من النوم... و هكا علاش اسمي نهضة...

 فقت من منامتي ارتجف و اصيح دثّروني دثّروني ... و انا هكّاكا منهــــوض في حالة و تدخل عليّا بنتي سميّة مولولة مهلّلة و قالتلي

:   أبتاه لقد فرّ  بن على الى البقاع المقدّسة , فلنهاجر نحن ايضا   بلاد الكفّار و لنعود الى تونس" نيثــــربها* "  على سنة الّله و رسوله و حسب السلف الصالح

لنفرشها رملا و نزرعها خياما يا ابتاه. و نسقيها بول جمل

لنطّهرها يا ابتاه من كلّ مضاهر الحدّاثة و التفتّح و لنجعل منها بلاد عربية اصيلة.

لنجعل دستورها الاسلام ,  عين بعين و سنّ  بسنّ.

ولنذهب الى و سط المدينة و نقتلع الساعة النوفمبرية الماسونية و نضع مكانها حجرة سوداء. فلن يعود هناك حاجة لاستعمال  الساعات فلنكتفي بقيس  الزمن حين يتبين الخيط الاسود من الابيض , كما كنّا سلفا,  كيف ما في  وقت الجدّ متاع جدّ البـــو متاع بـــو بــوك يا بــابا. و كيف جدّ امّك و جدّ الامّة متاع امّك  و امّي . كيف العروق متاع جدود جدودنا... يا ابتــــــــــــــــــــاه ـ

و لنجعل من شعبها ملائكة الّه في الارض

و لا شراب و لا ق**** و لا ن****  و لا قمار بعد اليوم يا ابتــــــــــــاه

السادة المستمعين الكلّ مخّهم وقف في سي النهضوي كيفاش جاه الوحي و كيفاش هبطلو ملاك الّله جبريل عليه الصلاة و السلام  من العالم الاخر حتّــــــــــــــــــــــى لكشي لتونس... جبدة يا صحّيبي!!!!

جماعة تقول جبريل هبط كيف سمع بالثورة و يحبّ يوّدنا بحزب النهضة كعربون موّدة و فخر بانجازاتنا الثورية

  و جماعة تقول جبريل بعثو بن علي (ماو كان بن علي زادا هو ربروب  ... الّله أحد صحيح  لكن كان بن على يخفّف عليه ما كيفو حدّ.  (من بنى قردان  للمبادوزا كان شعب ثورستان  يصيح  في مناسبة او من غير مناسبة : الّه احد الّه احد و بن علي ما كيفو حدّ

 حاصيلو ,  الفئة الثانية تقول  :  بعث  زين العابدين بن علي جبريل مبشّرا  لسي مولى النهضة شماتة فينا خاطرنا قلنالو : ديقاج و خلّيناه بهاك الكلمة يخرج ساقيه اعلى من راسه ... فحبّ يعاقبنا بفازة : شدّ مشوك لا يجيك ما اشوم ... لكن يبطى ... شعب ثورستان لا ينام ...

ان عدتم عدنا تقول اختي  الشاعرة ولاء قاسمي

هاك العباد هايجة مايجة داخلة فيهم غولة ... ناس منبهرة و ناس مفجوعة

و يخرجلهم سي العمّال الاشتراكي

 يشدّ البوق و يقول :

ايّا تصدّقوش ؟؟ انا مرّة قاعد على عتبة باب الدار.و نغزر لسرب متاع نمّال متعّدي

عشرلاف نمّالة. و حدة تحكّ وحدة . منضّمين مصفّفين منسجمين,  دارو بيّا هاك سرب  النمّال  و انا وقتها يا جماعة لابس سبادري غزالة.

و اتحدّوا جميعا و نحّاولي  هاك السبادري

ايه نعم

, غلبوني هاك النمّالات و هزّولي سبادريا , و قسموه بيناتهم بالتساوي و انا نتفرّج باهت في حكمة ربّي

كلّ واحد خذي لقشة من السبادري 

انا استعجبت و استغربت من المشهد هذا ... كيفاش النمّال كائن ضعيف يغلبني ... لكن زادا ما فهمتش أش ما زال يعملو بيه سبادري ملقّش طروف طروف؟؟؟ لا يتاكل لا يتلبس و لا يتسكن... 

انا هكّكا داهش و مستغرب و وجهي بكلّوا نقاط استفهام ...  و  تخرجلي الامّ الكبيرة متاعهم

و تقلّي : عسلامة سي الشيوعي

ايه نعم نمّالة تتكّلم

...قلتلها  : عسلامة  يا نمّالة  بربّي بش نسال سؤال اش مازل يصلح هاك السبادري الملقّش؟؟ اش بش تعملو بيه ,

..يخّي قالتلي : الشنقة مع الجماعة خلاعة  و انّه

مازال الشيّوعي ما كمّلش كلامو و هاك النهضوي  يزهر عليه كيف الصيد وجهو بش يطّرشق منّو الدمّ

و   يقلّوا

  فاش تفشلّم ... ياسر عاد هذا اسمو تخلويض , فمّا نمّالة تتكلّم يخّي ؟؟؟ هذا كفر و تشبّه بالانبياء فمّا كان سيّدنا سليمان يستطيع سماع دبيب النمل لعنة الّه عليك تتشبّه بالانبياء  للفوز بالثــروة.

يخّي جاوبو الشيوعي  يترومز

و قلّوا : رجّع انت جبريل للدنيا لخرى تو  نحّي خاتم سليمان من صبعي

و نعفس  بسبيدريا على  النملة الّي تتكلّم

 نيثربها : فعل مشتّق من اسم مدينة يثرب. متاع فيلم   الرسالة الّي يحطّوهولنا في المولد

بعد اربعطاش جانفي كثرت اللمّات و المجالس و الحفلات  ...

اه مالا  

 امن و امان يعمل الكيف.

و حتّى من الفار الّي كان حدّو حدّ شكارة الخبزمن الكوجينة للمسكوكة ( روقارة في اللهجة الرسمية التونسية )  و لّي يخرج من جحرو و يتجوّل بكلّ ثقة في النفس ... يتبختر في الشوارع و راسو عالي

ايّا سيدي نهار فمّا "بيتش بارتي" يڤطّع في البلاد

النمر و الجمل العلّوش الكركدن   والقطّوس الكلّهم يحضّرو في رواحهم ماشين للحفلة ... الفار  هو زادا يحبّ يمشي يشتح  كيف اندادو .

حطّ الحطّة , لصّق شعرو بالجال , لبس صبّاط العيد و عملّ زرّيقة ألكول و شدّ ثنية البيتش بارتي ... يغنّى فرحان راجع راجع يا بلادي عبر الجبــــال.

هيّا كيف وصل  و قف قدّام الباب و شدّ الصفّ و الابتسامة تعلو محيّاه بش يدخل يبتهج .

الكلب واقف في باب الحفلة يحسب في قدّاش من واحد دخل و يعّد فيهم واحد واحد بعد ما يثبث في هوية كلّ حيوان

الجماعة الكلّ دخلّت و شدّت كراسيها... القرد الحصان امّ لبوية و الجرانة  الّا الفــــار .......

الزبّانية ما خلّاووش يدخل بطبيعة الحال  .. على خاطرو  فــــــار

هاك الفار يقرّق و يجبّه يبكي و يصيح :  كفانا كفانا من ممارسات العهد السابق ... لا للاقصاء  لا للتميّيز و يني الديمقراطية ؟؟؟؟  يا جماعة ما تبدّل شيء ... فيقوا يا ناس 

هو هكّاكا كشاكشو تتناطر و يعطيه الكلب بالمشطة ...  يجيب ينطّرو في قلب الكيّاس

بالصدفة, يتعدّى محّمد الغنّوشي بالكرهبة ماشي زادا هو للبيتش بارتي

هاك الفار يرمي الاربعة  و يعتصملوا في الثنية

  شدّ فران الغنّوشي  شعرة لا تقلبت بيه الكرهبة و يهبط يجري 

ويقّلوا : علاش هكّا ؟؟؟ قوم عيّش ولدي

الفار :  حقروني و ماحبّوش يدخّلوني  و يني حقوق الفئران ؟؟؟ و ينها كرامة الفئران؟؟  يا غنّوشي ما يزّ يش قبل قمعونا و عذّبونا و شوّهولنا سمعتنا و اليوم كيف كيف ؟؟... بالحرام ما نحرق   روحي هالليلة القّ ***  و نعمللكم فضيحة في قناة الجزيرة 

الغنوشي وجهو يصفار و قلّو : و سّع بالك يا فار عيّش ولدي يكون منّك العقل رجاء رجاء.... بلادنا ... و تخنقوا العبرة .... يمسح دموعو و يمخط خشمو و يقلّوا  باهي قوم يا فار و تبّعني .

يمشي الغنّوشي و في قلبه يربرب و يسبّ في الامّ متاع امّ الفار الّي جابت دين والديه

و هاك الفار ماشي وراه بش يتنطّر بالفرحة قريب يخرج من قلبو كانالو يزقزق .

يمشي  بكتفاتوا و راسو عالي مرّة اخرى

و يغمز للعسّاس متاع الباب يتدّكك عليه

و يقلّوا : اتحمصّ ... انا فار بتجربيــــــــــعي,

انا فار باعتصـــــامي

 و انت ما ك الّا كلب بلّى تعمل تقعد كلب

و دخل الفار للبيتش بارتي و دخّل الغنّوشي ...  و قعدو قدّام البار بحذا بعضهم

غزر  الغنّوشي للفار و قلّو : اش تشرب سي الفار؟

بيرة سي الوزير -

الغنّوشي  قال لفرحات الراجحي  :هات كعبتين بيرة  وحدة ليّا و وحدة لسي الفار

اه يا فار ؟؟؟ مريڤــــــل ؟؟

امريــــــــــــڤل سي الوزير -

نزيدك كعبة اخرى يا فار - 

زيدني - 

صحّا يا فار  ... نزيدك كمية يا فار؟ - 

لا نحبّ فودكا بالشارك - 

تاخو يا فار تاخو ... صبّلوا الفودكا يا نجيب يا شابّي -

 مريڤل يا فار ؟ -

امريـــــڤل يا غنّوشي -

و يعمل  الفار تڤريعــــــــــة متاع ثمّ ثمّ. 

  غزر الغنّوشي للفار و قلّوا :  صحّا يا فار ... زيد  تڤّـــرع يا فار . خوذ راحتك  يا فار .... شايخ يا فار ؟

الفار  ڤحرلو و  نڤّـــز  جاء فوق البار.  و قف على زوز ساقين

و قلّوا  : 

اسمعني نقلّك . ما زلت تقّلي يا فار انّحيلك ربّ شرعيتك

باهي؟